یولوم دوشن گجه دن,کوچه عنایتینه
دولوبدی جام دلیم,بادهء محبتینه
نه خوشدی بیرده یولی,بیز اوکوی عشقه سالاخ
اورک گوزیله باخیب,کوبه کو سینی دولاناخ
آدام سیزین اورگین نه چوخ ثوابی دور گرآلاخ
گلون گداخ بوگجه,بیرمریض عیادتینه
دوشوبدی آینه فرض إت شکسته دل گرده
یارالی قوش کیمی زهرا,یاتیبدی بسترده
سالیبدی زاغ وزغن یاسی إیله بیردرده
ویریبدی لطمه جفای,خزان طراوتینه
خزان لهیبی إدیب گلشنین یولونداکمین
برابراولدی داشا,تنگناده درثمین
تمام هستی حیدر,اولوبدی نقش زمین
چکیبیدی نقش خزانی,بهارصورتینه
سالیبدی ظلمته ظلمت,یول اوسته قندیلی
إدیبدی دست جفا,یاس أبیضی نیلی
حسن یانینداویریب,ثانی لعین سیلی
اؤلونجه اولدی حسن,اشکبارمحنتینه
قوتارمادی بوگولون دردی کوچه دردیلن
قویوبدی عالمی حیران,اوگون نبردیلن
تک عورت اولدی برابر,سپاه مردیلن
خطادی مرد دیسه م گر,مدینه ملتینه
توکولدی زاغ وزغن اودلادی علی قاپیسین
حریق جهل وستم,داغلادی علی قاپیسین
او اودقیامته جن,باغلادی علی قاپیسین
که سالدی۲۵ ایل جه,علی نی خلوتینه
کاش اود دوتوب یانابودیل,گلنده گفتاره
سیخیلدی فاطمه بین دریله دیواره
برابر اولدی سیخیلمیش اوسینه مسماره
دگیبدی ضربه وجودینده که ماه طلعتینه
چاغیردی فضه اماندی,هایانداسان تز گل
قاپیم الوولادی یاندی,هایانداسان تزگل
سینه م یانیب یارالاندی,هایانداسان تزگل
علی نی قویمابیله,دوزمرم خجالتینه
توکولدی قوم دنی,إوده قیل وقال إله دی
گلیب گچن گولونی,یولداپایمال إله دی
پیمبرین سوزینه,حیدرإمتثال إله دی
اودورآپاردیلاشیری,شغال بیعتینه
آییلدی فاطمه گوردی,امیرخیبری یوخدی
امیروفاتح عشقی,امیدودلبری یوخدی
دولاندی هریری گوردی,وفالی حیدری یوخدی
علی دییه دییه گتدی,علی حمایتینه
إدیبدی خطبه سی بوبکری مسجدایچره خراب
اولوب اوناکسین هرنقشه سی وارییدی سراب
خلاصه گلدیله اما,یول اوسته دیده پر آب
چکیردی خجلت علی,فاطمه شجاعتینه
یتیبدی فاطمه نی,سالدی یاربسترینه
خجل یوزیله باخیب بسترایچره دلبرینه
چکیردی آه نهانی,باخانداگوزلرینه
ییه ردی آهیله حسرت,قولونداقدرتینه
داشیبدی گوزیاشی گوزدن,دونوبدی یوزده سیله
یاخیندی مظلوم علی,دردفاطمه یله اؤله
دئشیلدی فاطمه دردی,سوزآچدی دردودیله
علی نین آغلادی اول,دویونجاغربتینه
بویوردی آغلامابسدی,گوزون فداسی,علی
منه گله نه قدر وار,باشون بلاسی,علی
سنه فدااولازهرا,اؤزی,بالاسی,علی
فدادی دارونداریم,علی ولایتینه
إجازه وئرسون اگر,باشلییم اورک سوزونی
خیال راحتیله قوی یوموم,علی گوزومی
اودم که قبله یه گوردون,دونوبدی بو یوزومی
بوخسته نین إله اوندا,عمل وصیتینه
بوبی کسه نصف شب إیله غسل وکفن
إدنده غسلیمی قالسین,تنیمده پیراهن
سنیله دفنه علی,اولماسین اضافه گلن
تک اول بوخسته تنی,تاپشیرانداتربتینه
یوواندازلفیمی شال عزامی آش یو,علی
یتنده سینه مه اما,یاواش یاواش یو,علی
ولی گوزون سینه مه,دوشمییدی کاش,یو علی
دؤزنمه سن سینه مین,دوشسه گوزجراحتینه
گلیرقولاقیمه,,هاتف,,نداسی یاحیدر
غمیمده واردی دیلینده,نواسی یاحیدر
سن ای اولان ایکی دنیا,آقاسی یاحیدر
ألین دوت آندینی وره م,حسین شرافتینه
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.