بو حسین کیمدی سالوب رعشه دل کفاره
بو حسین کیمدی ویروب تو دهنی اشراره
بو حسین کیمدی وروب درس وفا احراره
بو حسین زینت آغوش خانم زهرادی
بو حسین پادشه لشکر عاشورادی
بو حسین کیمدی شرف زورقینه لنگردی
بو حسین کیمدی رسولان حقه سروردی
بو حسین کیمدی وفاپیشه لره رهبردی
بو حسین باعث اولوب بیرق ایمان اوجالا
اکبرین ویردی کی اکبر آدی پاینده قالا
بو حسین کیمدی اولوب دین نبی نخلینه بر
بو حسین کیمدی اولوب شهر عبودیته در
بو حسین کیمدی سوزون آنلامادی ملت شر
بو حسین قانی ،بیلور خلق کی ثارالله دی
رد ایده کیم آقامون منزلتین ابله دی
بو حسین کیمدی اونون مدحینه عاجزدی قلم
بو حسین کیمدی ویروب سینه ی عشاقه علم
مال دنیایه چکوب قانیله بیر نقش عدم
پسر باشرف فاتح خیبردی حسین
نقدر واردی جهان دللره ازبردی حسین
بو حسینی کی شجاعتده نظیری یوخودی
شهر یثربده نچه خطبه ی گیرا اوخودی
کی اونون هر بیری اعدا اورگینده اوخودی
خطبه ایراد ایلیوب عالمی حیران ایله دی
قصر خضرانی حسین سوزلری لرزان ایله دی
دیدی اسلامه اولوب آل عبا پیرایه
اهلبیت نبویدور احده سرمایه
عرشیدن فرشه گلوب شانیمیزه چوخ آیه
تاج و تخته گوره چوخانی
مال دنیایه گوره رد ایلیر قرآنی
ایهاالناس بیلون، دینون ایوی اطهردی
بو ایوین رهبری تک ، عترت پیغمبردی
بیز اولان یرده حکومت ایده کیم کافردی
ای جماعت آج ئولون مال حرامی یمیون
حق مظلومی یین ظالمه مولا دیمیون
رهبری کی ایچه می سب ایلیه قرآنی
اغنیایه فقرانی ایلیه قربانی
گووره بیر ایش کی تحیرده قویا شیطانی
او همان رهبری من فاسد دوران تانورام
طلقا زاده نی من دشمن قرآن تانورام
رهبری کی ضعفا دردینه دل داغلامیا
فقرا محنتینی درک ایده قان آغلامیا
چیگنی اوسته گجه لر نان و غذا پایلامیا
بیر بله رهبری دنیاده گوروم کور اولسون
روز محشرده او نمرودیله محشور اولسون
او یزیدی کی ایدوب تخت طلا اوسته مقام
اونا تعظیم ایلیور خادم و فراش و غلام
اونی رهبر تانیوبدور بشره ملت شام
خطبه ی زینب اونون عزتینی سیندراجاق
پرچم دینی باجیم کاخ یزیده ویراجاق
من حسینم نوه ی حضرت طاهای رسول
بابام حیدر دی آنام فاطمه زهرای بتول
پنج تن آدی دی رضوانه بیلون رمز دخول
کیم جهالتله منیم نهضتیمی دانمالیدی
روز محشرده بیلون جهل اوتونا یانمالیدی
منی رهبر ایلیوبدور سیزه منان تعیین
تا ایکی عالم اولام من بشره یار و معین
تا کی یاندیرمیا اوت ملت دانا بدنین
کیم منه یاور اولا وادی رحمتده یاشار
دشمنیم هر ایکی عالمده ذلالتده یاشار
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.