ای قلم یاز کربلادن عشق زینبدن دانش
دم ویرا هرکیم وفادن عشق زینبدن دانش
کیمدی زینب جلوه گاه کربلا میقاتیدی
کیمدی زینب زینت آل عبــــــا اثباتیدی
کیمدی زینب اوه تقوادی حق مرآتیدی
مدح ایله باب رجادن عشق زینبدن دانش
من کیمم مدح ایلیم بو زینبون شخصیتین
عقل لر حیران قالوب یازسون جلال و شوکتین
معرفت ایستر بیان ایسون مقام و عزتین
آل خبر زین العبادن عشق زینبدن دانش
کیمدی زینب صورتین نامحرمه ویرموب نشان
اورگدوب درس حیا عالم اره شمع جنان
تاپشروبدی عفتونده اولما غافل ای زنان
اولمیون غفلت خدادن عشق زینبدن دانش
بو ذلیل جانیم اولا قربان خانم گفتاریوه
خطبه وه ، رفتاریوه ، سنده اولان کرداریوه
هارداسان گل ویر قدم شهریمده باخ دلداریوه
سن دین یوخدور حیادن عشق زینبدن دانش
زینبیه کوچه سیندن گل عزیزیم سال گذر
کتبوندن شهریلرده قالمیوب اصلا اثر
عصمت و عفت وقارین پوزدی بیر عده بشر
سالدیلار دینی صفادن عشق زینبدن دانش
ایش دونوب قیزلار مثالی هر باخیش اوغلاندیلار
هر روشده ئوزلرین اوغلانلارا اوخشادیلار
بو نه غوغادی امام عصریمی آغلاتدیلار
یاندی عالم بو بلادن عشق زینبدن دانش
نچه رنگی بیر بیره قاتموش چکوب ابرو لبه
تللرین سالمش یوزه بنذور عروس یکشبه
نچه اوغلان وار خیاباندا دالیجا کبکبه
هیچ اوتانمور بیر خدادن عشق زینبدن دانش
گر دانشیرسون دیر من زینبی مکتبدیم
شیعه آل علیم جعفری مذهبدیم
وار یری زینب دیه گیت منده تاب و تبدیم
بیر اوتان آل عبادن عشق زینبدن دانش
زینبه قائل اولان زینب سوین لایق اولار
مکتبیندن درس آلان اعمالیده صادق اولار
زینبی الگو بولنلر بی ریا عاشق اولار
اجتناب ایلر کذادن عشق زینبدن دانش
بو همان زینبدی عفتدن حمایت ایلدی
دین و قرآن و حجابیندن حمایت ایلدی
عصمتیندن غیرتیندن باخ رعایت ایلدی
درس دور بو مه لقادن عشق زیننب دن دانش
مرحبا زهرا بو قیز سندن تاپوبدی پرورش
خلقا و خلقا سنون تک خصلتی عالی منش
نطقیده گفتاری عینا مرتضی دی ، سن روش
باشدی سن تک هر سخادن عشق زینب دن دانش
بو همان زینب دی نطقی تیغه الماسیدی
صتوتینده فطرتینده قارداشی عباسی دی
آندولا زهرایه مشکیلده کرم دریاسیدی
آل صله مشکل گشادن عشق زینبدن دانش
باشیمیزدن کسمسون الله بو زینب سایه سین
قلب لرده گون به گون عشقین اوجاتسون پایه سین
هیئتیلر ساخلیاق بو پرچمون پیرایه سین
حفظ ایله قانلی لوادن عشق زینبدن دانش
زینبون بو پرچمی والله شرافتدور بیزه
ئوپگیلن قوی گوزلرون اوسته امانتدور بیزه
یادگار کربلادی طوق عزتدور بیزه
تحفه دور کرب و بلادن عشق زینب دن دانش
کربلا نه کربلا وادی محنت خیمه سی
زینبون بوکدی بلین غصه اولوبدی پیشه سی
اون بیر ماه محرم یاندی زینب سینه سی
سالدی یول غملی فضادن عشق زینب دن دانش
کوچ ایدوردی قتلگهدن تاپدی باجی قارداشی
گوردی اللر یوخ بدنده توکدی گوزده گوزیاشی
سسلدی باجون ئولیدی دور گلوب غم یولداشی
بس نیه دوشدون صدادن عشق زینب دن دانش
نه الون وار نه باشون جسمون یر اوسته پاره دور
دور منی دیندور حسینیم زینبون آواره دور
سینوون قانی آخور آیا بو هانچی یاره دور
کیم کسوب باشون قفادن عشق زینب دن دانش
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.