ای جهان خلقت شاهکاری زهرا
وی نبی رحمت یادگاری زهرا
عمردن نه تیز دویدون
مرتضانی تک قویدون
ای وفالی زهرا
ای یارالی زهرا
اون بیر اولدوزون ای آسمانی زهرا
مهبط ملائک آستانی زهرا
حوری بشر صورت
آبروی انسییت
ای وفالی زهرا
ای یارالی زهرا
ای مه سپهر عصمت و خَدارت
گورمین جهاندا غصه دن فراغت
ای ملیکۀ مکه
مه جمالیده لکه
ای وفالی زهرا
ای یارالی زهرا
یادگاریدون سن ختم انبیادن
ایتمدی بو امت شرم مصطفادن
حقون آلدیلار الدن
سالدیلار سنی دیلدن
ای وفالی زهرا
ای یارالی زهرا
ایلینده رحلت خاتم رسالت
امت ایچره قویدی عترتین امانت
ایتدیلر عجب امت
بو امانته حرمت
ای وفالی زهرا
ای یارالی زهرا
دوقوز ایل سن اولدون همسری علینون
بوکدی سر قدون غملری علینون
گل کیمی سولان زهرا
غصه مرگ اولان زهرا
ای وفالی زهرا
ای یارالی زهرا
چوخ بلایه دوشدون قصه فدکدن
خصموون دوشدی کاش الی بیلکدن
ایتدی صدمۀ سیلی
گل جمالیوی نیلی
ای وفالی
ایستینده مندن اهل شرک بیعت
ایستینده مندن اهل شرک بیعت
ایلدون علینی سن رهین منت
ایتدیقون حمایتدن
ساحت امامتدن
ای وفالی زهرا
ای یارالی زهرا
داغ کیمی مصائب استووه توکولدی
ساچلارون آغاردی قامتون بوکولدی
کامه اهل کین یتدی
ضلعیوی شکست ایتدی
ای وفالی زهرا
ای یارالی زهرا
دوندروب گوزومده اشک چشمی قانه
قتلگاه محسن قانلی آستانه
چشمیمی ایدوب خونبار
درده کی اولان مسمار
ای وفالی زهرا
ای یارالی زهرا
مندن ای عزیز خاتم رسالت
ایلمه رسول اکرمه شکایت
سری وار گوروب تحقیر
آلمادیم اله شمشیر
ای وفالی زهرا
ای یارالی زهرا
ظلم الیله قنفذ ویردی تازیانه
شیون و فغانون چخدی آسمانه
مونس غم و محنت
خوش گونه قالار حسرت
ای وفالی زهرا
ای یارالی زهرا
مجتبی وکلثوم آه و شور و شینی
حالینی پوزوبدور آغلادر حسینی
زینب حزینینده
بوینی قالدی چیگنینده
ای وفالی زهرا
درگهون یانانده گلدون آه و زاره
سالدی دود آهون عالمه شاراه
کربلاده بو اوتدان
خیمه لر اولار سوزان
ای وفالی زهرا
ای یارالی زهرا
سعدی زمانه ایله بیر عنایت
قبریوی دوباره ایلیه زیارت
ای حبیبه داور
ای شفیعه محشر
ای وفالی زهرا
ای یارالی زهرا
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.