بوبش اون گون دار دنیاده سن انسان غم یمه
غملری شیطان یسون سن ای مسلمان غم یمه
غصه نی کیمدی گورون مشکلی آسان الیه
مشکلی دایجا ائدر غصه فراوان غم یمه
غصه دندور کی دوشر مین دردو آلامه بشر
آرتورار دردوئی اولماز سنه درمان غم یمه
ارزشی یوخدی بو دنیانون اگر ائستون نظر
قالمیوب تختیده هچ شاهیله سلطان غم یمه
یغوسان مالوئی تا آخری قارون اولاسان؟
قالدی قارونیدن آخر قوری عنوان غم یمه
گر مزار اوسته گئدوب ایلیسن بیرجه نظر
گورسون ار چوخ ننه لر حالی پریشان غم یمه
آخری گتملولدی فرق المز شاه و گدا
قبریلرده یاتیشوب مردیله نسوان غم یمه
بلدور رسم زمانه چکجک کامه تراب
مرگیدن اولما عزیزیم سن هراسان غم یمه
گر کی سن دوز تانیسون خیرو شری نیک وبدی
ائتمسه سنده اثر هچ نفس شیطان غم یمه
قاتماسون ذره حرامی سن حلاله ای عزیز
ناظر اولسا هر عملده دین و وجدان غم یمه
گر ربا اخذ ائتمسون بو مردم بیچاره دن
وورماسون همسایوه دائمی بهتان غم یمه
آند ایچوب کذبه اگر سن مردمی آلاتماسون
خُلق و خویون خوش اولا اولما پریشان غم یمه
حق ناسی چکمسون سن بوینووا وقت حیات
جان وئرنده رحم الر خلاق سبحان غم یمه
قابض الارواح گلوب جانی آلا اولما غمین
چون اولارسان طائر گلزار رضوان غم یمه
دفنووه حتما گلر شاه ولا وقت ممات
باشوون اوسته اوخور چوخ آیه قرآن غم یمه
قبریده روشن گوزون گر نور حیدرله اولا
خانۀ قبرون اولار اوندا گلستان غم یمه
نور حیدر گر ائده روشن کیمون کی گوزلرین
گوز آچوب باز ایلیه شام غریبان سوزلرین
دی آقا بو گلمگون قبری گل افشان ایلدی
بندۀ ناچیزوئی شاد و خرامان ایلدی
پس هایاندیدون آقا دی اول شب ظلمانیده
زینبون بی کس قالوب شام غریبان ایلدی
اوغلوون گول پیکری قالدی بیاباندا گجه
دشمن اول نعشی نجه گور لخت و عریان ایلدی
اولمادی جامه چکیلسون جسمینون اوسته اقل
نور مهتاب اول یاتان جسمی نمایان ایلدی
دفنینه یوخدی مسلمان تا اونا اقدام ائده
شیعه لر بوندان یانور ظلمی مسلمان ایلدی
جسم دیینده فکر اله اول صحنه ی پر محنته
ذهنه تصویرون گتور ظلمی کی اسبان ایلدی
بندی بندیندن آیردی آتلارون دیرناقلاری
ایله بیل شیرازدن چیخمشدی قرآن ایلدی
باشینی کسدی قفادن شمردون و بی حیا
فاطمه دلبندینی ذبح لب عطشان ایلدی
بیر اوزوک اوسته کسوبدی ساربان بامارماقینی
ساچلارینی فاطمه اوندا پریشان ایلدی
ظلم بی حد او لشگر گور نجه حّدن آشوب
عصمت اللهی او چولده شامه میهمان ایلدی
آچدی بیر سفره او چولده زینتی شلاق اولوب
بستر نازیلرین خار مغیلان ایلدی
سفرده زخم زبان حرمله اولدی نمک
وئرمدی سو قلبیلره ده کاسۀ قان ایلدی
گه وروب قیزلاری گه دشنامه اقدام ایلدی
باغلیوبدی قول قولا اخیامی زندان ایلدی
خیمنون آدی گلنده فکر اله گچمه بله
غارتون وقته اونی بیر نار سوزان ایلدی
گوشسی یانموش چادردا تاپدی اسکان اهل بیت
نکته باریکه چاتوب قلبیمی شان شان ایلدی
آغلیان طفلون باشیندان تازیانه وردولار
سینه صندوقینده هر کس آهی پنهان ایلدی
تا هوایه قالخدی قمچی زینب اوندان تز دوروب
هر یتیمون باشینه جانینی قلخان ایلدی
زینبی سالدی ایاقدان قمچینون دیر ناقلاری
اسب رم کرده کیمی اول قمچی طوفان ایلدی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.