هوروب رشته ی فکری ائتدیم طراز
پری لرساچیندان سوزاولدی دراز
گوروب شعریمین شاهدین شیوه ساز
باشیمدان کناراولدی شورحجاز
بناایلدیم کعبه،اذکاردن
ضمیریمده قوزاندی تکبیرلر
اوتکبیرلردن یاغوب تیرلر
زمان چهره سی تاپدی تغییرلر
پدیداولدی بیرپرده دن پیرلر
شریعت لباسینده اشراردن
نه پیران اسیران دست فلک
خطاعالمینده بوکوبلرکورک
جهالتده تنها جنایتده تک
آغاردوقجاقاشلارقارالمیش اؤرک
سئچیلمزلرابلیس بدکاردن
تهی علم وفضل وکمالاتیدن
دولی جهل و وهم وخرافاتیدن
گجه دویمیانلارمناجاتیدن
گونوز قالمیانلار جنایاتیدن
نه انسان عملدن نه رخساردن
زبان ذکرتوحیدوتکبیرده
قدم کارنیرنگ وتزویرده
یویوبلارقمرچهره سین قیرده
عدالت چکورنعره زنجیرده
دیانت گورورضربه دینداردن
تمرد ائدربنده مولاسینه
ادب اگلشوب حرمتون یاسینه
که لعنت شریحیله فتواسینه
که نه قویدی حرمت ئوزامضاسینه
نه شرم ائتدی نعلین ودستاردن
شریحون الیندن چیخوب اول قلم
فرات اوسته ائتدی ایکی قول قلم
ائلیکی اولوب صاغ قلم صول قلم
عمودآهنه آچدی بیریول قلم
که سرصولتین آلدی سرداردن
غرص اولدوز اولدوزکه دوغراندی ماه
ظهورائتدی گون تک اومیداندا شاه
دوتوب رعبدن رعشه لر رزمگاه
سکوت ائتدی بیردن او وحشی سپاه
بوتون مغزلرکئچدی مسماردن
گوروب اول اسیران جنگ ظلال
دوروب ذوالجناح اوسته بیر ذوالجلال
ائدوب زلفی زهرانی غرق ملال
قاشی خون عشاقی ائیلرحلال
کئچرکیپریگی جان ابراردن
ایتوب شوکتینده رقمنن عدد
حضورینده حاضرازلنن ابد
دوروبدورمقابل احدنن احد
که یعنی سئچیلمزصنمنن صمد
گورونمزاثردیر و دیاردن
سپرنور معنی جمال وجبین
گرفتاراولوب عشقینه کفرودین
ایاقین اؤپر گنبد هفتمین
مگودن عبارت همین دور همین
که اولموش بیان طبع سرشاردن
اوزین اوسته ظاهراولان منظره
عرضدن کئچوب ایشلدی جوهره
تزلزل سالوب عالم اکبره
اثرقیلمادی بی ادب لشکره
ثمرگورمدی قوم غداردن
نئجه دیسگینردیوآتش دهان
اجورائتدی بیردن اولشکرتکان
نجه بورخولوب ایری اوینارایلان
اوجوراوینادی نیزه لرناگهان
اؤرک آب اولوب آخدی ابصاردن
قزیل چکشین گون چالوب باشلارا
آجیقلی دوگونلردوشوب قاشلارا
دونوبدوراؤرکلردمیرداشلارا
هیولاآتارقاش بو اوباشلارا
چکراهرمن ایش بوفجاردن
ورارهی رکاب اوسته هربیرعبوس
آت اوینارعنان آلتداهمچون عروس
ائدربیر بیرین نیزه لربوس بوس
دگوب ضربه لر دادائدرطبل وکوس
گلرمین نوا هشتیلن چاردن
بیلک لرقوی گردن شیردن
ستاره سانی کم گلر تیردن
آچوبلارقنادگرزوشمشیردن
اوتانمازلابیربی مددپیردن
گوتورمزلرال جنگ وپیکاردن
زبس اولدی اول بی خردلرجری
حسین آزمون ائتدی بیرخنجری
صورابوشلیوب تاعنان زری
آتون دیرناقی سویدی یردن دری
توزآلتینداگون ائتدی انظاردن
غرض قیزدی چون کوره میدان جنگ
زره لرده شمشیرایلشدیردی چنگ
یاغوب گرزوکوپال وزوبین وسنگ
اوجالدی چکاچک ترنگاترنگ
هورولدی هوا سقفی ابزاردن
گوروندی رکاب اوسته نامردلر
ائدرحمله چون پیل پولادپر
سپردشنه لر ایلدیریم تک شرر
انرمین قلیج ردائدر بیرسپر
بیرال تیغ آلارمین سپهداردن
کیم ایستربوسلطانی دلدن سالا
که سالمیش بومیدانی حالدان حالا
دونوب قاتلانورمین قوی قول دالا
دیورغیبدن بیرخانم جان بالا
گلورآفرین صوتی اقطاردن
هله تشنه لبدوربوخونین جگر
هله تازه دورقلبده یاره لر
هله اکبرین قتلگهدن گزر
هله گوزائوینده ملرصودامر
گلرعطری آغوش گهواره دن
هواجسمینه بوکمیش اوتدان لحاف
نفسلرتاپوب ایستیدن اختلاف
الینده گران تیغ پهلوشکاف
دوروب قلب میدانداچون کوه قاف
ورارضربه سین جان کفاردن
اولوب قهرقاتل قشون قسمتی
قوی لروئروب پنجه دن قوتی
گوروب ضربه لرگوددیلرنوبتی
چوخوریرده تاتاپدیلارفرصتی
حساب آلدیلارشاه بی یاردن
گل ای فاطمه ایندی گوداله باخ
اوغول باشی اوستنده جنجاله باخ
سینان سینه ده سهمگین حاله باخ
سوسوزباش کسن قوم قتاله باخ
ستم گورفزون حدومقداردن
ائله توپلانوب مقتله کافران
که خالی قالوب پهنه ی بیکران
چیخوب کاسه دن چشم خشم آوران
عمود اندیررآهنین پیکران
سینارپشت گردون بوکرداردن
شه علم وفضلی عوام ئولدورور
ولایت مقامین مقام ئولدورور
صلات اهلی صدق وسلام ئولدورور
دیوب یامحمد،امام ئولدورور
ائدورناله مذهب ریاکاردن
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.