بهانه شرح صدر اولدی مگر مسماره زهرا جان
شهیده ایلدون رحلت سینونده یاره زهراجان
قاپومی ایلیوم تعویض اونون دیوارینی نیلوم
بنادن یا ایدوم ویران نهان اسرارینی نیلوم
قاپی قالسون همین حالدا اونون مسمارینی نیلوم
مورخ یازماز ال دگسه قالان آثاره زهرا جان
وطن زندان اولوب سنسیز اوره گیم غصّه دن دولدی
نه بیر عرض تسلایه نه ترحیمه گلن اولدی
دیوم نولدی گوزوم دولدی یل اسدی گللریم سولدی
اَسر یل باغبان آغلار سولان گلزاره زهرا جان
دئدوم غسلون ویرن وقته من اسماء دل افکاره
ایکی گوشواره سین ساخلا نشانه زینب زاره
کناره زلفوی ووردیم نه گوردوم تکدی گوشواره
دیدیم وای کوچه ده قالدی سینان گوشواره زهرا جان
نه تنها سن اسیر اولدون کمند مکر ظلامه
منیمده باغلانوب پنجم طناب قهر ایّامه
او ال که ذوالفقاریله ایدردی خدمت اسلامه
یهودی کوچه سین الان گزور آواره زهرا جان
یادیمدان چیخماز عمریمده آز عمرون چوخ مصیباتون
گیجه لر صبحه جان حقّه گوزی یاشلی مناجاتون
دعای صبح و شب «عجّل وفاتی» عرض حاجاتون
یتوردی طایر روحون دیار یاره زهرا جان
ایویمده دوقوز ایل اولدون منه سن غم گونی یولداش
بو یتمیش بش گونون اولدی بلاسی دوقوز ایلدن باش
غم ایتمه قالدی سرگردان ایکی باجی ایکی قارداش
اگر محسنده قالسیدی ایدردیم چاره زهرا جان
چکوب آغوشه سسلردیم گل اوزلی سویگولوم لای لای
اورکده نسگلیم لای لای منیم شیرین دیلیم لای لای
سیزیلداردیم گیجه گوندوز گلوم وای بلبلوم لای لای
قولومی بال ائده ردیم سینمی گهواره زهرا جان
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.