قاسم یخیلدی زینیدن گل داده مولا
سن بیل حسن جانی یتیش فریاده مولا
باشیم قالوب اللرده گل
جسمیم دوشوب چوللرده گل
گل ای عموجان قاسم ویرور جان
آلدی توان و تابیمی باشیم یاراسی
طاهانی آغلاتدی الیمون طوی حناسی
.دامادوون قانه باتوب بَی لیک لباسی
توش اولدی جسمیم خنجر فولاده مولا
میداندا قاسم تک قالوب
اطرافینی دشمن آلوب
گل ای عموجان قاسم ویرور جان
گل قویما کسسین باشیمی اشرار عموجان
میداندا غمخوارون دوشوب بی یار عموجان
قویما گوره باشسیز منی قیزلار عموجان
یوخدور مروت فرقۀ اعداده مولا
دلدن دوشوبدی یاورون
بی کس قالوبدی نوکرون
گل ای عموجان قاسم ویرور جان
عشقین یولوندا صاف یریم یوخدور بدنده
یوخدور آتام چشم امیدیم قالدی سنده
دردیم چیخور یاددان منه اوغلوم دینده
یاد ایله بو قربانووی صحراده مولا
تازه عروسه ویر خبر
دامادووه دگدی نظر
گل ای عموجان قاسم ویرور جان
پای پای ایدوبلر جسمیمی قربان سیاقی
خنجرله اعدا یوخلادی یورقون قوناقی
اولدی منه أوز قتلگاهیم طوی اطاقی
خنجرله خلعت ویردیلر داماده مولا
جان اوسته خندانم عمو
قرآنه قربانم عمو
گل ای عموجان قاسم ویرور جان
گویدن ترابه دیده تر حورا گلوبدی
قاره باشیندا مقتله طاها گلوبدی
گل باشیمون اوسته ننم زهرا گلوبدی
یکسر گلوبلر ناله و فریاده مولا
ای افتخار بوالحسن
گل کامل اولسون پنج تن
گل ای عموجان قاسم ویرور جان
تپراقه آتدان دوشمگیم عرشه سالوب های
یوخ قلبیده بوندان سورا هیچ آرزوم دای
آخر نفسده شه چالا سربازه لای لای
بیر یولدا شاد ایله منی دنیاده مولا
گل بو یتیمی یاده سال
آخر نفسده گوگلون آل
گل ای عموجان قاسم ویرور جان
اعدا سالوب سندن منی ای شاه آرالی
جسمیم اولوبدور پیکر اکبر مثالی
دیدار جانانه گیدور قاسم یارالی
فخریم دی کی جان ویرورم آزاده مولا
دوزدور آقا جان اوستیم
أوز عشقیمه دلبستیم
گل ای عموجان قاسم ویرور جان
حسین