اسیر هجراولانا رنج عجب اسارت عجب
اوغول غریب آناوی اینجیدور بوغربت عجب
مدینه گللرینی کرباده ووردی خزان
نجه خزان که اولور صحبتی نهایت عجب
گل اولمویان چمنون باغبانه لذتی یوخ
پوزوب خراب ایدی روحیه سین سیاحت عجب
گل الیمی دوت آپار کربلا چولون گزدیر
قوجالمیشام گیدوب الدن اولان صلابت عجب
حسین مزارینه اول آپار حسینی گوروم
صورا فراته آپار ایلیوم زیارت عجب
آپار گوروم بالا آتدان یخیلدیقین یئری من
نجه دوشنده قیامت ایدیب اوقامت عجب
قولون دوشن یئری گورست ئوپوم طواف ایلوم
مریض عشقه دوادور اوقانلی تربت عجب
چیخات او تله. قوجاتدی حسین حرملرینی
حرم عجب دم عجب قتل عجب جنایت عجب
یوخودا چوخ گجه گورم قولون بدنده دگول
یوخی عجب سوز عجب گوردوقوم اوحالت عجب
گجه گورن یوخونون دردینی گونوز چکورم
ندن اوقولاری من گورمدیم سلامت عجب
ایشتموشم سنی قولسوز گوروب ووران چوخودی
ووران عجب سن عجب پیکرینده طاقت عجب
الین بدنده دگولدی اولا سپر باشیوا
عمود عجب باش عجب آچدیقی جراحت عجب
اوغول اوگجه که چیخدون مدینه دن آغلار
دیدون آنا یول عجب وادی شهادت عجب
دویونجا من آنالار تک ئوپمدیم یوزیوی
آنادان اینجیمه باعث اولوب بوعلت عجب
دیدیم حسین آناسیزدور سنی گورر اوتانار
سزادی حال حسینی ایدم رعایت عجب
گئجه گونز اوتورب انتظاریوی چکدیم
امید حیاتیما اولدی همان اوحسرت عجب
گتورمدیلر اقلا جنازه وی وطنه
مزارین اولمادی بو بی پناهه قسمت عجب
ایاقلانا گل اگر پایمال اولار سوز یوخ
ایاقلیان سنی درک ایتمدی بوحکمت عجب
محالیدور گلون عطرین فضاده محو ایتماق
کرم عجب ال عجب ایتدیقی کرامت عجب
مدینه کوچه لرینده هله ده عطرون وار
چمن عجب گل عجب شوق عجب طراوت عجب
چوخ اوخشوری بالان عبداللهیون گوزی گوزیوه
جمال عجب گوز عجب گوزدکی شباهت عجب
گوزیوی چوخ چوخ ئوپردیم آنان ئوله نه بولوم
اوخوندا وار گوزی ئوپاخلیقا حسادت عجب
بونوع ردیفیده مرحوم ذهنی نوحه یازیب
قلم عجب پای عجب شیوه کتابت عجب
دیدیم اوخویان ذهنیه دیسون رحمت
مقام شعریده فرض اولماسین اهانت عجب
الیمی دوت گلان ای اللری هرالدن اوجا
گدا سنونکیدی گاه ایتدیقی جسارت عجب
مریض عشق دواسین طبیب لر نه بولر
توتوب وجودیمی بیر مختصر کسالت عجب
نه وار بیرینه نیازیم نه مال دنیایه
ایدر قاپوزدا بو نوکرلیقیم کفایت عجب
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.