گوزون آچ آماندی یاتما گوزوون فداسی قارداش
بوکولوبدی قامتیم دور الیمون عصاسی قارداش
اگیلوبدی سرو قدیم ا وخ آتان کمانه بنذر
بویانوبدی قانه جسمون گل ارغوانه بنذر
بوچولون اسن نسیمی سنه نوحه خوانه بنذر
غمیلن انیس اولوبدی بویرون فضاسی قارداش
من امام متقینم هامی انس و جانه شاهم
من امیر ماسوایم ولی بوردا بی سپاهم
منی غم سالوب حصاره اودی غرق سوزوآهم
داخی دهریده تاپیلمازبوغمون دواسی قارداش
سنی سسلیور رقیه دیور هارداسان عموجان
سوگتیرخیامه ئولدی علی اصغریم سوسوزدان
عموغش ایدوب عطشدن اوسوسوزقناری الان
منی باغریقان ایدوبدور اوقیزون نواسی قارداش
مه آل مرتضا دور قان ایچینده بیله یاتما
منی اوخلانان گوزوندن بوسپاه ایچینده آتما
قیودوم خیامه قارداش نه دیوم ربابه یاتما
الی اوسته هی چالیخلی سودامربالاسی قارداش
نچه یول ئولوب دیریلدیم بورا خیمه دن گلنده
دینن آی وفالی قارداش هانی اللرون بدنده
ایله بیل کی بیلدی اصغر باشووا عمود اننده
اویانوب آخوب گوزوندن در پربهاسی قارداش
ستمیله سوره ی عشق اولونوبدی آیه آیه
داخی قالمیوبدی یاریم بدنون بوکگ عبایه
دورایاقه سن بیل اصغر گینه سال باشیماسایه
سنیدون حسین پناهی گوزونون ضیاسی قارداش
من حبیب ذوالجلالم ولی حیف بی حبیبم
بویانوبدی قانه قاسم ئولوب اکبر و حبیبیم
بودی تک سوزوم ابوالفضل منه رحم ایله غریبیم
دیزیمه سالوبدی لرزه باشوون یاراسی قارداش
بابام ئوپدوگی عذاره ستمیله قان دوزولدی
او اوزون الوندن ای مه نجه اللریم اوزولدی
نجه بیرسه پراوخیلان یوزه ساق گوزون سوزولدی
منی ایلیوب مکدریوزوون نماسی قارداش
داغیلوبدی برگ گل تک چوله پیکرون ابوالفضل
دوشوب آیری پیکروندن ایکی شهپرون ابوالفضل
بیله گوگلومه دوشوبدی آلا گوزلرون ابوالفضل
گوزون آچ داریخدی قلبیم ائلیمون صفاسی قارداش
میلاد