گل عمو اوغلي باشيمي آل ديزيوه
توكمه گوز شبنميوي گل يوزيوه
آيريليخ دوزدی چتين مرحله دي
آغلاما فاطمه قربان گوزيوه
يتشوب موسم هجران اولورم
غصه دن باغريم اولوب قان اولورم
يوخ ئولوم دردينه درمان اولورم
آغلاما فاطمه قربان گوزيوه
دولدوروب سينه مي اندوه و محن
گديرم محضره پيغمبره من
دويموشام بو ديريليقدان بولوسن
آغلاما فاطمه قربان گوزيوه
هجر پيغمبره يوخ منده دوزوم
آغلري بسر نچه مدّتدي گوزوم
گوزلوري قابض الارواحي گوزوم
آغلاما فاطمه قربان گوزيوه
گل غنيمتدی بو آخر نفسيم
صون نفسده منيم اول دادرسيم
بولوسن ئولماقا وار چوخ هوسيم
آغلاما فاطمه قربان گوزيوه
حقيمي اهل جفا الدن آلوب
غصّه تاثيريدي رنگيم سارالوب
سنه نسگلدي اليم يوزده قالوب
آغلاما فاطمه قربان گوزيوه
نه روا مجلس شورا قورالار
راي آلوب درگهيمي يانديرالار
نيلميشديم منه سيلي ورالار
آغلاما فاطمه قربان گوزيوه
بزم خلوتگه ياره گديرم
دلخوشام وصل نگاره گديرم
حيف اولا سينه ده ياره گديرم
آغلاما فاطمه قربان گوزيوه
بزم ياره هر او كس دعوت اولور
زينتي فاخر و پرقيمت اولور
محسنين قاني منه زينت اولور
آغلاما فاطمه قربان گوزيوه
ديسه جدّيم كه بو رخساره ندور
يوزده كي سينه ده كي ياره ندور
نه ديوم من باباما چاره ندور
آغلاما فاطمه قربان گوزيوه
سني شاهد توتورام بو سوزومه
ليل تار اولدي ايشيق گون گزيمه
دييرم سيلي ويربلار يوزمه
آغلاما فاطمه قربان گوزيوه
سنه قورموشدوم او گون بزم عزا
هله ياسليدي هامي آل عبا
ورديلار اوت قاپيه اهل جفا
آغلاما فاطمه قربان گوزيوه
بير يارام وار ياراسي گتميه جاق
حشر اولونجا مني ترك اتميجاق
قنفذين قمچي يري گتميه جاق
آغلاما فاطمه قربان گوزيوه
ولي بو سينه مين آثاري بابا
كشف ايدير ضربت مسماري بابا
بويادي قان در و ديواري بابا
آغلاما فاطمه قربان گوزيوه
حكم اولوب ظلميده حدّدن چخالار
مني ضرب لگديله يخالار
در و ديوار آراسيندا يخالار
آغلاما فاطمه قربان گوزيوه
هر بلا گلدي دوزوب غم يمديم
حق رضاسي واريدي اينجيمديم
دين يوليدي دايانوب لا ديمه ديم
آغلاما فاطمه قربان گوزيوه
قوي اولوم قورتولوم اي شاه زمن
قالميوم بو غم ايّاميله من
سرّيمي غسل ورنده بولسن
آغلاما فاطمه قربان گوزيوه
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.