گل ای غرق ماتم دی يا فاطمه
دوتوب قلبیوی غم دی يا فاطمه
همانند آدم دی يا فاطمه
نه بير يول دمادم دی يا فاطمه
اَلون قوزا مُحکم دی يا فاطمه
نقدری وجودونده واردی نفس
بُروز ايله تا خالی اولسون قفس
اوجالسين سماواته بانگ جَرس
يتيشسون او گيزلين قالان قبره سس
ديورسن پیِ هم دی يا فاطمه
اِيشون دوشسه هر لحظ گر مشگله
اُميد و رَجا مشعلين آل اَله
يته مطلبون اِيستوسن حاصله
بقيعه طرف دون بلا فاصله
ائله فوری سر خم دی يا فاطمه
چاليش آرزو ذورقين بَحره چک
وير عشقين عيارينه بير آن مَحک
مِسِ قلبی سيل بلکه تاپسون بَزک
اُميديله گل اِيسته حقدن کمک
غنيمتدی چون دم دی يا فاطمه
مَهِ بُرج عصمتدن اِيسته عطا
اورک دردوه ايلسون تا دوا
خانمدی ايدر قرضون اولسا اَدا
مريض و عليله وئرر تز شفا
ايدر غصوی کم دی يا فاطمه
گدانی کرم کانی رَدّ ايلمز
ره عشقی عُشّاقه سَدّ ايلمز
خطا گيتسه تعين حَدّ ايلمز
گئچر جُرمين هيچ آن اَشدّ ايلمز
دم اِيستورسن هر دم دی يا فاطمه
يازولار او فرخنده و فاضله
عروسی دونون وئردی بير سائله
گيوب کُهنه کوينک گيدوب منزله
بلی وئرسه زهرا کيمه گر صِله
اولار شاهِ عالم دي يا فاطمه
اولوب دوقّوز إيل هر قضايه رضا
بلا بَحرينه دوشدی کَنزِ حيا
ديدی بير گونی گوئيا مرتضا
نه سِرّون وار ای مَفْخَر اوليا
بيليم بلکه من هم دی يا فاطمه
يانورسان نِيه شمع سوزانِ تک
اَياقدان سالوب اولما فکر فَدَک
بو حاليله ای فخر جنّ و ملک
کنه فضيّه ايليور سن کمک
نه حکمتدی بيلمم دی يا فاطمه
منه سِرّوی هيچ عيان ايتموسن
اورک دردين اَصلا بيان ايتموسن
غم و درد اَليدن فغان ايتموسن
ولی عشقی دلده نهان ايتموسن
ندور سِرّ مُبهم دی يا فاطمه
نه دردون وار ايت مرتضايه عَلن
اَرير شمع تک جسم پاکون نَدن
ديوب گُلموسن نچّه مدتّدی سن
بيان ايله هر نه اگر اِيستوسن
ايدوم تا فراهم دی يا فاطمه
ديدی اولسادا دلده رازيم علی
سنه بَلّيدی سوز و سازيم علی
يوخ هيچ اَمروه اِعترازيم علی
منيم بير زادا يوخ نيازيم علی
ديدی وار مُسلّم دي يا فاطمه
ايدوب ياره اِصرار يار ايسته دی
ايده بير تَمّنا کِرار ايسته دی
دله گلدی زهرایِ زار ايسته دی
عليدن فقط بير اَنار ايسته دی
ديدی آزدی بازهم دی يا فاطمه
بيان ايتدی ممنونم حِصنِ حَصين
که فکريمده وارسان دَمِ واپَسين
چون آيری کسی يوخدی بو بی کسين
باشيمدان خدا سايوی کَسمه سين
ديدی يانما چون شم دی يا فاطمه
نه ايستورسن حتماً گَتورم اَله
غم ايتمه عم اوغلون علی وار هله
گرک قلب زارون بير آزدينجله
منی ئولدورر يوخسا بو مسئله
اولا خاطرون جم دی يا فاطمه
غَرض آيريلوب يار دلدارين
يولون سالدی اطراف بازاريدن
اَنار ايسته دی خيل تُجّاريدن
تا پا بيلمدی ليک اَخياريدن
ندا گلدی نم نم دی يا فاطمه
نه حالدا علينی گوروب بير عرب
قباقه گلوب ايتدی عرض اَدب
ديدی وار نه عِلّت ای عالی نَسب
قالوبسان سن اَلسّاعه اَنگشت به لب
ديورسن دمادم دی يا فاطمه
ديدی بير نفر جانثار ايستورم
منی ايتميه شرمسار ايستورم
نه ملک و نه ثروت نه وار ايستورم
مريضه م وار ايوده اَنار ايستورم
ديور قاصد غم دی يا فاطمه
بيان ايتدی اَعرابی ای خوش سيَر
گيت اَولجه شمعونين آل خبر
فقط اولسا اوندا اولار مُختصر
يولا دوشدی سلطان جِنّ و بَشر
ديدی روح خاتم دی يا فاطمه
تَوسل ايدوب ياره مَکْشوف راز
گيدوردی شتابيله شاه حجاز
اورک ايوده دل غرق سوز و گُداز
ايشتدی گنه بير دَمِ دل نواز
ديدی مير اَعلم دی يا فاطمه
يتشدی شه ملک دين مقصده
دم درده دوردی ولی غم زده
اورک تاب و تَبده اَلی حلقده
ديدی قول وئردون گُل احمده
وير اَلسّاعه مُحکم دی يا فاطمه
غرض يأسی مولا مُجاب ايلدی
غمی دلده بير آن سَراب ايلدی
قاپونی دوگه اِجتناب ايلدی
سورا ئوز ئوزيله خطاب ايلدی
غمون وار بير عالم دی يا فاطمه
مُصَمّم اولوب مَفْخَرِ بو تُراب
قاپونی دوگوب وئردی شمعون جواب
بيان ايتدی کيمسن ای عالی جناب
ديدی مرتضايم ائله فتح باب
منيله اُول همدم دی يا فاطمه
گلوب فوری شمعون پُشتِ دره
سلام عرض ايدوب ساقی کوثره
سوزون وار ديدی فاتح خيبره
دی تا ايليوم جان فدا رهبره
ديدی واردی غُصّم دی يا فاطمه
اورک دردی ايلوب منی بی قرار
ديولّلر که وار سنده گويا اَنار
اگر اولسا ممکن بير آز قيل نثار
سنِ تاری ايتمه منی شرمسار
گوزتلور مريضه م دی يا فاطمه
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.