عم اوغلو ای شه خوبان
باشیم اوسته اوخو قورآن
اولا زهرا سنه قوربان
سنی مظلوم حسین جانی
باخیب آغلاتما زهرانی
سنیله اولموشام همدم
بو ائوده دوققوز ایل باهم
گل ای عیسی نفس وئر دم
سنی مظلوم حسین جانی
باخیب آغلاتما زهرانی
غمیمده مجتبی آغلار
قیزیم کلثوم اوره‌ک داغلار
باشا زینب قارا باغلار
سنی مظلوم حسین جانی
باخیب آغلاتما زهرانی
اجازه وئر دئییم بیر سوز
فراقیمده یئمه غم دوز
حوسئینیمده‌م گوتورمه گوز
سنی مظلوم حسین جانی
باخیب آغلاتما زهرانی
یئتیمه قیزلاریم قالسین
اوزونده‌ن عطریمی آلسین
باشا شال عزا سالسیین
سنی مظلوم حسین جانی
باخیب آغلاتما زهرانی
پوزولما شور شینیمده‌ن
مواظب اول دو عئینیمده‌م
علی‌التخصیص حوسئینیمده‌ن
سنی مظلوم حسین جانی
باخیب آغلاتما زهرانی
اوزون وئر غسل و کفن ائیله
اماندیر قبری پهن ائیله
گئجه وقتینده دفن ائیله
سنی مظلوم حسین جانی
باخیب آغلاتما زهرانی
گورورلر گر یئریم خالی
پوزولسا قیزلارین حالی
نوازش ائیله اطفالی
سنی مظلوم حسین جانی
باخیب آغلاتما زهرانی
عم اوغلو قویما اهل کین
وورا تابوتوما دستین
منی دفن ائت گئجه گیزلین
سنی مظلوم حسین جانی
باخیب آغلاتما زهرانی
وئریب دم حضرت زهرا
بو اشعاره اولوب انشا
اومودوم وار ائده امضاء
سنی مظلوم حسین جانی
باخیب آغلاتما زهرانی
غمیمده هر زمان غمگین
توکر رخسارینه اشگین
اوزوم بذل ائیلر‌م اجرین
سنی مظلوم حسین جانی
باخیب آغلاتما زهرانی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.