من جوادم یادگار حضرت موسی الرضایم
تاجدار ملک عزّت وارث تخت ولایم
معدن تقوا و حلمم سرِّ علمه آشنایم
ناطق آیات قرآن چون علی شیر خدایم
سائله ناز ایتمرم من در گهیم باب رجادور
گورسنور جودی آدیمدان معنی جود و سخادور
قادر الله قدرتیندن دردلره آدیم دوادور
مرتضی تک بذل و احسان ایلرم مشگل گشایم
من جوادم یدی یاشدان رهبرم خلقه امامم
کائناته سرورم من حق دین عالی مرامم
پیر و بُرنایَه ولیّم درگهی ذوالاحترامم
حضرت زهرا عزیزی نور چشم مصطفایم
من تقیَّ ام روح تقوا امَّته نور دوعینم
استقامت مسلکینده پیرو خط حسینم
یادگار عشق و غیرت وارث بدرو حُنینم
ظالمه قدّیم خم اولماز حامی خون خدایم
خلقه حُجَّتدور کلامیم نور یزدان صورتیمده
آیه تطهیره معنا وار نجابت سیرتیمده
چون ابوالفضل دلاور خون مردان وار رگیمده
پاسدار دین حقَّم با وقارو با وفایم
قامتیم سرو دل آرا هر الیم مین ید بیضا
بار گاهیم کاظمیندی مسکنیم عرش مُعَلّا
من گل باغ ولایت هر دمیم عمر مسیحا
مفخر اهل جنانم خلق عشقه رهنمایم
من جوادم نور حقِّ حضرت پروردگارم
فاطمه خیر النسایه نور عینم یادگارم
خوی خصلت همچو زینب بحر مواج وقارم
آل عصمت افتخاری دشمنه بی اعتنایم
قاتلیمدور اوز عیالیم نقشه ی قتلیمی چکدی
ویردی زهر جانشکاری تیر غم قلبیمه اکدی
اوت دوتان احواله اوندا آغلیان حورو ملکدی
ایچمیشم زهر هلاهل غربتیمده مجتبایم
جان چخانجا سو دیدیم من سو ویرن اولمادی الله
اوچ گجه قالدی جنازم دفن ایدن اولمادی الله
سالدیلار غُرفه نین اوستن رحم ایدن اولمادی الله
اوخشادی روضم حسینه چون شهید کربلایم
کربلاده میزبانلار اولدوروبلر میهمانی
ایتدیلر ظلم و جنایت توکدولر خون خدانی
کسدیلر باشین قفادن نور چشم انبیانی
فاطمه سسلندی اوغلوم آچ گوزون خیر النسایم
روز عاشور بلاده تشنه و بی یاوریدی
قارداشی قانه بویانموش مرغ بی بال و پریدی
آغلا بو احوله « پوریا » یاز حسین بی مادریدی
سسلنردی آنا زهرا من غریب نینوایم
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.