بعضی لری گل لره عاشقدیلر
بعضی لری چوللره عاشقدیلر
بعضی لری گوهره عاشقدیلر
سیم و زرا یکسره عاشقدیلر
حیدریلر، حیدره عاشقدیلر
حیدر آدین سسلر آچار بال و پر
کیمدی علی صاحب علم و عمل
سالماز اونون درگهینه یول دغَل
سسله علی گوگلیوه دوشسون عسل
شیرین عسل اولدی علیدن مَثَل
مهدی بالاسینا دینن العجل
حیدر ایشین گورماقا دنیاده گَل
حیدریلر، حیدره عاشقدیلر
حیدر آدین سسلر آچار بال و پر
کیمدی علی لنگر کُون و مکان
کیمدی علی شاه شهان جهان
کیمدی علی حضرت طاهایه جان
ائتسه اشاره ویره جاق شیعه جان
کیمدی علی ساقی کوثر نشان
مثلی اونون اولمیوب اولماز اینان
حیدریلر، حیدره عاشقدیلر
حیدر آدین سسلر آچار بال و پر
کیمدی علی صاحب اسرار حق
جلوه لنر اوندادی انوار حق
تترر آدیننان بلی کفّار حق
دلبر و دلداده و دلدار حق
صورتی حق سیرتی حق یار حق
خلقتی، شخصیّتی، آثار حق
حیدریلر، حیدره عاشقدیلر
حیدر آدین سسلر آچار بال و پر
کیمدی علی حضرت طاها بیلر
همسر مظلومه سی زهرا بیلر
نه یارادوبدور اونی یکتا بیلر
فکر ایلمه هر گلن آقا بیلر
قطره مگر مدحت دریا بیلر
اوز اوزونی مَدح ایده مولا بیلر
حیدریلر، حیدره عاشقدیلر
حیدر آدین سسلر آچار بال و پر
دردی اولان دردلره درمان علی
واردی خداوند اونا بُرهان علی
گُل علی، بلبل علی، بُستان علی
مرشد جبریلیدی سلطان علی
سسلر هامی جان سنه قربان علی
مَعنیِ دین جلوه قرآن علی
حیدریلر، حیدره عاشقدیلر
حیدر آدین سسلر آچار بال و پر
آی اُلَه وهّابینی حیواندیلار
حیفیدی حیوان دیمه شیطاندیلار
تشنه ظلم و ستم قاندیلار؟
حقدی علی سن دئ مگر قاندیلار
شیعه نی اولدورمگه عطشاندیلار
مایهء ننگ عربستاندیلار
حیدریلر، حیدره عاشقدیلر
حیدر آدین سسلر آچار بال و پر
کعبه نی حاجیلر ایدنده طواف
کعبه بهانه علی اولموش مطاف
کعبه علی عشقینه تاپدی شکاف
گلدی وجوده گُل آل مناف
مسندیدور عینیله شینیله قاف
بیر بِله عنقایه اولوب عرش قاف
حیدریلر، حیدره عاشقدیلر
حیدر آدین سسلر آچار بال و پر
کعبه ده دنیایه گلن شهدی بو
شه دیمه دنیاده شهنشهدی بو
مصطفوی درگهینه مَه دی بو
ظاهر و باطنلره آگهدی بو
حق تاپان انسانلاریچون رَه دی بو
ختم رسوله گورون اشبه دی بو
حیدریلر، حیدره عاشقدیلر
حیدر آدین سسلر آچار بال و پر
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.