ای ولا ملکینده سلطان معظم یا علی
آستانیندا گدا دور اهل عالم یا علی
ملک عزت مسندینده سن مجلل پادشاه
شانیوه لایق حریم عرش اعلا بارگاه
موکب اجلالیوه روح و ملایک دور سپاه
آیه « نصر من الله » ، نقش پرچم یا علی
سن او سلطان موؤید سن که ارواح و ملک
حضرتنده خاشع و خاضع اولاللار تک به تک
علت ایجاد عالم سن که افلاک و سمک
پایه اجلالیوه برهان محکم یاعلی
ای وجودون علت غائی وجود عالمه
نفسیوی ائتدون فدا نفس رسول خاتمه
علم الاسمانی تعلیم ایلدون سن آدمه
آدم اولدی در حقیقت سنله آدم یاعلی
ای جلالون آیت جل و جلال ذوالجلال
یوخدی خلقتده سنه شان و شرفده بیر مثال
پی آپارماز سر کنه ذاتیوه وهم و خیال
چون آدیند ا مستتردور اسم اعظم یا علی
سن جلال و مرتبتده بیر بشر دنیاده یوخ
سهل دور دنیا نظیرون عالم اعلاده یوخ
بو مقام و شان و شوکت حضرت عیساده یوخ
رشگ ائدر بو عز ته « عیسی ابن مریم» یاعلی
یا ولی الله اعظم، شهریار ماسوا
پیشوای ماخلق ، اوصاف ذات کبریا
انس و جنه مقتدا ، سر حلقه اهل ولا
حامل اسرار حق هر علمه اعلم یا علی
جنگ خندقده عجب کسب کمالات ایلدون
همت و ایثاریوی عالمده اثبات ایلدون
رحمت اللعالمین حقین مراعات ایلدون
هر زمان اولدون رسول اللهه همدم یا علی
احسن ای دریای رحمت،علم و حلم و فضلیوه
ائتمدی اهل ستم تاب وتحمل عدلیوه
باغلادی محکم کمر جور و جفادن قتلیوه
عدلین اولدی باعث قتلون مسلم یا علی
مست مستم عفوقیل ای ساقی بزم الست
بادهة عشقون ائدوب شب خیزی رند می پرست
گر خطا ائتسم گذشت ائت اولموشام مجنون مست
من گدایم سن ولی شاه معظم یا علی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.