اهل جهانه سرور گلوبدی
ساقی حوض کوثر گلوبدی
فخر ایله شیعه حیدر گلوبدی
شب/روزمیلاد ماه دل آرا
سسلرم منده یا علی مولا
یا علی مولا
لطف ایتدی الله اهل حجازه
برهان گتیردی اهل مجازه
مولا اگر سن ویرسن اجازه
گول آدیوی من دیرم آقا
سسلرم منده یا علی مولا
یا علی مولا
ای شاه یزدان شاه ولایت
ویردون جهانه عالی شرافت
اهل ولایه ایله عنایت
الیمیزدن دوت خاطر زهرا
سسلرم منده یا علی مولا
یاعلی مولا
اعماله میزان حیدردی حیدر
حامی قرآن حیدردی حیدر
یار ضعیفان حیدردی حیدر
الیمی وتسان ای شه والا
سسلرم منده یا علی مولا
یاعلی مولا
خلق اولدی عالم طاهایه خاطر
طاها یاراندی مولایه خاطر
حیدر گلوبدی زهرایه خاطر
سنی زهرا باخ « نادمه » مولا
سسلرم منده یا علی مولا
یا علی مولا
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.