جبرئیل سسلنور عاشقانه
خوش گلوبسن حسین بو جهانه
حجت حی تبارک
جشن میلادون مبارک
سن گوز آچدون پیمبر سووندی
فاطمه گولدی حیدر سووندی
لعلیوه تشنه کوثر سووندی
شیعه لر قلبی یکسر سووندی
مثلیوی گورمیوبدی زمانه
گلموشم احمده تا ز نزدیک
بو گونی ایلیم عرض تبریک
عاشق اولموش سنه هر بد و نیک
یاندیرام عشق اودوندا اوزَرریک
توستوسی بد نظر بد زبانه
سر خوشام مست پیمانه ام من
روز و شب عبد میخانه ام من
عاقلم عشقه دیوانه ام من
شمع پر نوره پروانه ام من
یاننام عشقونده روز و شبانه
گلموشم عیدیانه آلام من
امر اولوب محضرونده قالام من
اوستووه شهپریمی سالام من
آغلاسون فوری لایلای چالام من
سنده لطف ایله ویر عیدیانه
من سنه خادمم جبرئیلم
عشقیوه شیعه لر تک علیلم
گلدی فطرس دیور چوخ ذلیلم
قیل کرامت شفا وئر دخیلم
فخر ائدوم عرشیده جاودانه
بولبولم من گلستانه گَلَّم
پرپر اولسا گول افغانه گَلَّم
سایه تک سنله هر یانه گَلَّم
کربلایه یانا یانه گَلَّم
سینه وورام سنه عارفانه
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.