بیر پای وئروب الله ام البنینه
رشک آپارور اونا اهل مدینه
گون اولسیدی اگر حسین قارداشی
آی اولموشدی بودا سمای دینه
یوزی قرآن آیه سینه بنذیور
قولی عرشین پایه سینه بنذیور
قولی عرشین پایه سینه بنذیور
ذوالفقارین سایه سینه بنذیور
اوجا قدّی باج آپارور فلکدن
چوخ گوزلدی یوزی گولدن چیچکدن
هم شیریندی هم دوزلیدی ابوالفضل
بهره آلوب شکردن هم نمکدن
غیرت و مردانگینون بحریدور
قلبی وفا و کرمون شهریدور
جلوه رخساری جناندان گوزل
مهری علی،قهری علی قهریدور
آیۀ قرآندی،قاشی مدّیدور
عشقی ئورکلرده وفا سدّیدور
اوجا قدّی اوجالدیب اسلام آدین
شجاعتین بوکولمین قدّیدور
موجلی دریادی بونون همتی
فوق ثریادی اوجا رفعتی
ذلتی تحقیر ائلیور ترسی خوار
غیرتینون جوهرۀ جرأتی
شعر شجاعت اوخیور تللری
فخر ائلیور تللرینه تللری
زلفینی ترتیبه سالور شانه تک
یثربون آواره گزن یولاری
بند دل حیدر کراریدور
حقه هواخواه و هواداریدور
قوللار اوزون گوز ایری قامت رسا
لشکر اسلامه علمداریدور
شهد و شکردنده شیریندور سوزی
فخر ائلیور لبلرینه سوز ئوزی
گوگده آی اولدوزلاری رویا دوتار
لطفیله گر باخسا سمایه گوزی
گوز سوزینه ایلدی ایما قلم
کاش قلم ایلمیوردی رقم
سعی ائلیون بیلمیه ام البنین
اوخ ائدوب عباسه نه نوعی ستم
هی قلم ایستور گئچه سوزدن سوزه
مطلبی دوندردی دونوب سوز کُوزه
دوزمز آناسی بو سوزی گیزله دون
اوخ نئجه دگمیشدی او زیبا گوزه
سوزدی هواده سه پر اوخ مار تک
صاق گوزیلن بوسه لشوب یار تک
پنجۀ طوفاندا آچوب یا کی پر
یگ گولون اوسته باتوب خار تک
عارف اولوب ال سوزی سوزدن اوخی
اشکیله رخساریوه یرده توخی
اوخ نگران گوزده مکان ائلیوب
الده یوخیدی چکه گوزدن اوخی
اگدی باشین سید والا تبار
دوتدی دیزیلن اوخی وئردی فشار
عرصه دولاندی باشینا الغرض
قانلی بیر اوخ اولدی گوزوندن کنار
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.