ایرانه صفا ویردون یاحضرت معصومه
قرآنه جلا ویردون یاحضرت معصومه
مرقدون باغ رضواندان گوزلدی
مرکز احیای خیر العملدی
محبوبه ی ذات حق گنجینه ی حکمتسن
علامه دیسم آزدی دریای فضیلتسن
مشکلده قالانلاره کانون شفاعتسن
چوخ درده دواویردون یاحضرت معصومه
ایران قدم قویدون ای دختر پیغمبر
انفاسون ایدوب یکسر قم تپراقینی گوهر
علت اودور عاشقلر هریرده سنی سسلر
آلامه شفا ویردون یاحضرت معصومه
سسلر سنی هرلحظه بیچاره لر امداده
عشقونله یاشار دائم سائللرون آزاده
سال دردی اولانلاری یاسیدتی یاده
ایران صفا ویردون یاحضرت معصومه
هر گونده طلوع ایلر گون مشرق بامیندن
علامه ی دهر اولدون تعلیم امامیندن
حوریلر آلارسبقت مست اولماقا جامیندن
تقدیر رضا ویردون یاحضرت معصومه
ای مریم آل الله ایران سنه مدیوندی
ترویج علوم دین هر آن سنه مدیوندی
قرآنی دیریتدون سن قرآن سنه مدیوندی
مسکینه عطا ویردون یاحضرت معصومه
خلاق جلیل آدون حک ایله دی سینمده
یا فاطمه ذکریمدی هرثانیه هردمده
عشقونله کیچر عمریم هرشادی وهر غمده
عشاقه جزا ویردون یاحضرت معصومه
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.