حیران مسافرم قاپووا گلمیشم حسین
نادان و قاصرم قاپوا گلمیشم حسین
بازار معرفتده آقا ورشکسته بیر
مفلوک تاجرم قاپووا گلمیشم حسین
رسوایم آبرو سیز الیم بوش یوزوم قرا
توبیخه حاضرم قاپووا گلمیشم حسین
سالدیم ئوزومی بیر نجس ایت مثلی دوزلوقا
الان که طاهرم قاپووا گلمیشم حسین
اصحاب کهفیدن منی الله آیرماسین
چون کلب شاکرم قاپووا گلمیشم حسین
حکم ایلیوبدی ظاهره جدّون شریعتی
پاکیزه ظاهرم قاپووا گلمیشم حسین
آرتورموشام همیشه عزدارون عدّه سین
چون صفر،فاخرم قپوا گلمیشم حسین
شاعر دوغوب حسینچی آنام صود وئروب منه
افتاده شاعرم قاپووا گلمیشم حسین
با اینکه کربلا منیچون قسمت اولمییوب
هرلحظه شاکرم قاپووا گلمیشم حسین
هرچند ئوز ائویندی عزاخانه لر سنون
من عین زائرم قاپووا گلمیشم حسین
امّا گوزلدی ئوز حرمونده گلوب دئسم
الان مجاورم قاپووا گلمیشم حسین
عفو ایلسون جسارتی،سندن گیلیلیم
قرخ ائلدی ذاکرم قاپووا گلمیشم حسین
چوخ دوزموشم جمالووی گورمک خیالینه
هجرونده صابرم قاپووا گلمیشم حسین
سلام بزرگوار
از اشعاری که در وبلاگ بنده هست می تونید استفاده کنید.
موفق باشید.