سو یوللارین کسدی عدو، یاندیم عمو یاندیم
احسان ائله بیر جرعه سو، یاندیم عمو یاندیم
بیللم عموجان محضروندا حرمتیم واردیر
باخ گور ایاق اوسته دایانماق طاقتیم واردیر
یاکی سوسوزلوقدان دانیشماق قدرتیم واردیر
بیر جرعه سودان اوتری من، یاندیم عمو یاندیم
بیربیر بو خیمهگهلری گزدیم سراغ ائتدیم
سو تاپمادیم ای سروریم، من هر یئره گئتدیم
امیدیلن درگاهیوه، آخرده یوز گتدیم
باب کرمدیر بو قاپی، یاندیم عمو یاندیم
من قوی دولانیم باشیوه، چون شمع پروانه
سن ده طبابت ائیله بو درده طبیبانه
باخ بو لب عطشان قیزلارا، آواره طفلانه
ائیلر نئجه سو جستجو، یاندیم عمو یاندیم
تنگه سالیب سوز عطش، بسکی اوشاقلاری
سینه آراسینا باسیل‌لار ایستی قوملاری
گور ایش هارا چاتمیش حسنین خیردا قیزلاری
اود دان ائدیر سو آرزو، یاندیم عمو یاندیم
چیخمیش صدای العطش، عرشه بو مأواده
دقتله باخ بو ناله و افغان و فریاده
بیر قطره سو اوستونده دیر، بو غملی صحراده
بو کشمکش بو های و هو، یاندیم عمو یاندیم
شیرین دیلیم نازلی قیزیم، گوز یاشیوه قربان
آب فراتی باغلارام، من خیمییه الآن
صبر ائت بالام بو دیللـرون ائتدی منی گیریان
ائتمه یانیغلی گفتگو، یاندیم عمو یاندیم
ای کربلا سلطانی‌نین غیرتلی سرداری
آل بو قورو مشکی آپار، دولدور سودان باری
سیراب قیل، آللاه رضاسینه، سوسوزلاری
ای اهل بیته آبرو، یاندیم عمو یاندیم
گهوارده غش ایلیبدیر، شیرخوار اصغر
نه سود وار امسین، وار نه سو ایچسین آخیب گوزلر
رنگی طراوتدن دوشوب، برگ گو له بنزر
سولموش او طفل ماه رو، یاندیم عمو یاندیم
ایسته زیارت یحیوی انعام اشعاره
عباسی اما وئر قسم، اول وقت دشواره
عرض ائیلدی عطشان سکینه، اول وفاداره
سو یوللارین کسدی عدو، یاندیم عمو یاندیم
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.