ای افتخارملت ایران امام رضا
سلطان بی بدیل خراسان امام رضا
دنیاسنون زیارتیوون تشنه کامیدور
شاهلارسنون غلامیوون اسکیک غلامیدور
هرکلمه کلمه سؤزلرون الله کلامیدور
سنسن ولی وحجت سبحان امام رضا
الله سنیله نعمتینی طوسه یاغدیرار
نورامیدوی دل مأیوسه یاغدیرار
قدوسیان قدمگهوه بوسه یاغدیرار
خادملروندی حوری وغلمان امام رضا
گلواژهٔ وجاهتوی آیه وئرمرم
گلدسته وی،مناره وی،دنیایه وئرمرم
عشق عالمینده مشهدی سینایه وئرمرم
مشهددی اصل روضهٔ رضوان امام رضا
دردین دواسی خاک ره مقدمونده دور
جان اختیاری چونکه الهی دمونده دور
عالم گؤزی عطیرلی،یاشیل پرچمونده دور
اولمش حقیقت اوندانمایان امام رضا
دنیایه طرزفکروی یایسین یئل ایستیور
زلفون بتول شانه لیه تئل تئل ایستیور
توصیف ائده ولایتوی دعبئل ایستیور
سندن گؤره کرامت واحسان امام رضا
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.