نجه عباسیدی تعریف ائلییم سربسته
ارمنیلر ده اولوبلار آقاما وابسته
سوزی شیوادی ولیکن جدلی کوبنده
بیرعلم ووردی فراته که اولوب پاینده
غیضی نین وصفینه بوتکه کلامیم بسدی
که اوتوزمین نفرین پیکری مون نان اسدی
قیزیلین قیمتو وجهین نجه صراف بیلر
هامیدان آذریلر عشقینه مشتاق دیلر
آقامین عشقینه خاطر اورگین داغلالار
قولونی یاده سالوب فاطمه تک آغلالار
ولی بوآغلاماقی خامه بگنمیر بیزدن
دئیر آخربو قرانی آلارام من سیزدن،
مرکب جهله غنا دن طولقالر میندی
تازه بنیانیدی بیر طایفه اما ایندی
ایستییلر که بیزه صلب اولونا آسایش
موناخاطر حرمینی هدف ایلیر داعش
ددی رهبرلری اصلی هدفین بی پرده
کربلانی داغیدیب شیعه نی سالیخ درده
شیعیان علیه غیضیمیزی آندیروخ
سوکروخ قبرحسینی سوموگین یاندیریخ
قلمین صبری قوتاردی بله بیر گفتاره
بیری یوخدور دئیه ای بی خرد بیچاره
یاده سال فاطمنین قبرینی سن یثربده
که علی قازمیشیدی مشرق وهم مغربده
سیزه تای تخم زنالر یاپیشیب دنیانی
قصد ائدیبلر سوکه لر مقبره ی زهرانی
خبری چاتدی علیه گوتوروب دستارین
آندینا باغلادی امداد ائلدی دلدارین
ددی بو قبریلره چپ باخانی ئولدورم
جسم ناپاکینی شمشیریمیلن بولدورم
آری حیدر ائلدی فاطمه نین امدادین
بیزده حفظ ایلیروخ مقبره ی اولادین
مرتضی بیزلره اورگتدی جدل ترفندین
باقلاساخ باشلارا یافاطمه نین سربندین
کربلانی ائدروخ طبع جلی دن مطبوع
یازاریخ شهریده بیگانه اکیداً ممنوع
گرکه توتساخ جدله غیضیلی بیر آرایش
عالمه زلزله سالوخ حله قالسین داعش