عجب محشر یاراتدون نینواده یا ابوالفضل
حسینی سن قوجاتدون کربلا ده یا ابوالفضل
شه مشکل گشاسن
امیر کربلا سن
ایکی دنیا ده مولا
هامی درده دوا سن
دخیلم آقا- سنه جان فدا
ایا باب الحوائج
سنون عشقون اولوب بو عاشق زاره فریضه
گئجه لر گوز یاشیلان من سنه یازدیم عریضه
شفا وئر یا ابوالفضل درد منده هر مریضه
قالوب آغلار گوزوم سنتک آقاده یا ابوالفضل
دخیلم آقا – سنه جان فدا
ایا باب الحوائج
دوشنده مرکب اوستن سسلدون گل داده فارداش
آلوبدی دورمی اعدا یتیش فریاده قارداش
اماندی سنده گل گلدی ننم زهراده قارداش
یانوب زهرا سنه بحر بلاده یا ابوالفضل
دخیلم آقا – سنه جان فدا
ایا باب الحوائج
قوتارماز سن دئدون بو بیکسون اندوه و دردی
اونون اندوهی قان ایلر دل آزاده مردی
یوزونده واردی زهرانون حسینجان سیلی ردّی
یانوب قلبون بو درد جان گدازه یا ابوالفضل
دخیلم آقا – سنه جان فدا
ایا باب الحوائج
حمزه نجفی